Икмәккә – мәңгелек хөрмәт (0+)
7 октябрь көнне 14 нче санлы китапханәдә яшь китап сөючеләр өчен «Ипи-тозлы көз» дигән иртә узды.     Чара башыннан ук балаларны ерак үткәннәргә алып кереп китте. Алар китапханәченең икмәк тарихы турындагы мавыктыргыч чыгышын игътибар белән тыңлады. Борынгы кешеләрнең чи орлыклар ашавы, соңрак аннан он ясарга өйрәнүләре, ботка һәм көлчә пешерүләре турында белделәр. Ә икмәккә 15 мең ел икән инде! Алга таба китапханәче кешеләрнең һәр заманда ипигә сакчыл мөнәсәбәте, бу мәхәббәтне буыннан-буынга тапшыра килүләре турында бәян итте. Алексей Мусатовның «Как хлеб на стол пришёл» китабыннан өзекләр укылды, икмәк турында табышмаклар, мәкаль һәм әйтемнәрне искә төшерделәр. «Ипи валчыгы» викторинасы балаларга икмәкнең җир могҗизасы дип аталуының сәбәбенә төшенергә ярдәм итте. |
